لماذا لا أستطيع أن أشم رائحة عطري؟

ليه ما تشم ريحة عطرك؟ حتى لو كنت متأكد إنك متعطر زين؟

صدق أو لا، أغلب الناس يمر عليهم نفس السؤال:

أنا متعطر بس ما أشم شي… يعني عطري ما يفوح او العطر مو فواح ؟ 

الجواب؟ لا، مو شرط أبداً.

الموضوع ما له دخل بالعطر، له دخل بمخّك.

وش السالفة؟

• اللي يصير إن أنفك يتعوّد على ريحة عطرك، والمخ يقول: هالرائحة صارت جزء منك… ما يحتاج أركّز عليها.فيبدأ يتجاهلها، حتى لو كانت تفوح بشكل ممتاز.

يعني ببساطة: أنت آخر واحد يشم عطرك.

بس اللي حولك؟ يشمّونه طبيعي، وبعضهم يمكن يتأثر منه بعد!

أشياء ممكن تخليك تحس إن عطرك مو باين:

• ترش العطر في أماكن ما توصل لأنفك (زي الملابس من ورا أو تحت الرقبة).

• تستخدم نفس العطر يوميًا، وأنفك تعوّد عليه.

• جوّك أو ملابسك تمتص الرائحة بسرعة.

• وأحيانًا، الأنف يكون تعبان أو مزكوم بدون ما تحس.

طيب وش الحل؟

• حاول تغيّر العطر بين فترة وفترة، خلك متنوع.

• لا ترش كميات زايدة، لأنك ما تشمّه مو معناه إن غيرك ما يشم.

• ومره مره… اسأل واحد حولك:

  “شميت عطري ولا أرشه من جديد؟”

في النهاية:

لا تعلّق على عطرك من أنفك… لأن أنفك ما عاد يعطيك رأي صادق.

الناس اللي حولك هم الحكم الحقيقي 😅